ابنا: اسلامي بين پارليماني يونين کے خرطوم اجلاس کي سترہ شقوں پر مبني قرارداد ميں اسلامي دنيا اور خطے کو درپيش مشکلات و مسائل پر توجہ دي گئي ہے -
قراداد کي چند شقوں ميں ايٹمي توانائي کے پر امن استعمال کے حق کي حمايت کي گئي ہے ، مشرق وسطي کو ايٹمي ہتھياروں سے پاک کرنے پر زور ديا گيا ہے اور صيہوني حکومت کے ايٹمي ہتھياروں کي نابودي کا مطالبہ کيا گيا ہے-
ياد رہے کہ مشرق وسطي ميں صرف صيہوني حکومت ہي ايسي حکومت ہے جس کے پاس ايٹمي اسلحے موجود ہيں -
اسلامي بين پارليماني يونين کي قرارداد ميں پر امن ايٹمي ٹکنالوجي کو ايران کا مسلمہ حق قرار ديا گيا ہے اور ايران کے ايٹمي سائنسدانوں اور ماہرين پر دہشتگردانہ حملوں اور ان کے قتل کي مذمت کي گئي ہے -
پيغمبر اسلام صل اللہ عليہ وآلہ وسلم اور اسلامي اقدار کي توہين کي مذمت، تہذيبوں کے درميان گفتگو کے لئے حالات سازگار بنانے کي غرض سے ذرائع ابلاغ عامہ کي کوششوں کي حمايت اور مسئلہ فلسطين ميں اسلامي ملکوں کے متفقہ موقف نيز شام کي ملکي سالميت اور اقتدار اعلي کے تحفظ کي ضرورت پر زور بھي اسلامي بين پارليماني يونين کے خرطوم اجلاس کي قرارداد کي شقوں ميں شامل ہے -
اس قرار داد ميں اسي طرح بيروني دھمکيوں اور خطرات کے مقابلے ميں سوڈان کي حمايت ، رکن ملکوں کے درميان اتحاد و يک جہتي کي تقويت اور مسلمان اقليتوں کي حمايت پر بھي زور ديا گيا ہے -
اسلامي بين پارليماني يونين کے خرطوم اجلاس ميں ايران کے پارليماني وفد نے اسپيکر ڈاکٹر علي لاريجاني کي قيادت ميں شرکت کي
ڈاکٹر علي لاريجاني نے اجلاس کي اختتاميہ تقريب سے خطاب ميں جو منگل کي رات منعقد ہوئي، کہا ہے کہ علاقے کے موجودہ حالات کے پيش نظر اسلامي ملکوں کو خاص تدبير اور پوري دقت کے ساتھ امت اسلاميہ کے مفاد ميں قدم اٹھانا چاہئے-
انہوں نے اميد ظاہر کي کہ اس اجلاس سے امت اسلاميہ اور اسلامي ملکوں کے درميان اتحاد و يک جہتي کي تقويت ميں مدد ملے گي -
انہوں نے کہا کہ اسلامي ملکوں کو چاہئے کہ مغربي ملکوں کو جو مسلمانوں کے مفاد ميں کبھي کوئي کام نہيں کرتے بلکہ ہميشہ اسلامي دنيا کے خلاف مہم جوئي کي فکر رہتے ہيں، امت اسلاميہ کے خلاف کسي بھي اقدام کي اجازت نہ ديں -
.......
/169
